Leikkonan Brie Larson og framleiðandinn Judd Apatow hafa látið í sér heyra eftir að fréttir bárust af kynferðislegri áreitni af hálfu stórframleiðandans Harvey Weinstein.

The New York Times greindi frá því að Wein­stein hafi áreitt kon­ur sem hafa starfað með hon­um und­an­farna þrjá ára­tugi. Einnig var sagt frá því að fram­leiðand­inn hafi kom­ist að sam­komu­lagi við átta kon­ur um skaðabæt­ur.

Staða kvennana sem hann braut var erfið þar sem margar þeirra voru að koma sér á framfæri í Hollywood og Harvey Weinstein hefur gríðarlega mikil völd í draumaborginni. Framleiðandinn Judd Apatow skrifaði á Twitter að ríkt fólk gæti keypt sér þögn með bótum. „Trúnaðarklausan gerir ofbeldismönnum kleift að skaða annað fólk. Í marga áratugi.“ bætti hann við. 

„Eins og alltaf þá stend ég með þeim hugrökku fórnarlömbum kynferðislegs ofbeldis og áreitni. Þetta er ekki ykkur að kenna. Ég trúi ykkur,“ skrifaði Larson á Twitter. 

Judd Apatow. mbl.is/AFP

Brie Larson. mbl.is/AFP

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt