Þriðji stærsti banki Spánar, CaixaBank, hefur ákveðið að færa lögheimili sitt frá Katalóníu vegna ummæla aðskilnaðarsinna um að lýsa yfir sjálfstæði héraðsins.
CaixaBank, sem er stærsti lánveitandinn í norðausturhluta Spánar, sagði í yfirlýsingu að hann ætlaði að færa lögheimilið til Valencia vegna „núverandi pólitískrar og félagslegrar stöðu í Katalóníu“.
Sabadell-bankinn tilkynnti í gær um flutning höfuðstöðva frá Katalóníu en hlutabréf í bankanum höfðu lækkað um 10% í verði í kjölfar kosninganna.