Yfir 100 manns voru handteknir í Rússlandi í fjölmennum mótmælum í dag. Mótmælin eru ólögleg og fara fram í um 80 borgum víðsvegar um landið. Mótmælendur eru stuðningsmenn Alexei Navalny leiðtoga rússnesku stjórnarandstöðunnar. BBC greinir frá.
Þeir krefjast þess að Navalny fái að taka þátt í forsetakosningunum í mars á næsta ári. Sjálfur tilkynnti hann um forsetaframboð sitt í lok síðasta árs. Rússnesk yfirvöld segja að hann megi ekki taka þátt í forsetakosningunum vegna fangelsisvistar sinnar.
Navalny situr í tuttugu daga fangelsi fyrir að hafa ítrekað brotið lög um skipulagningu fjöldafunda. Þetta er í þriðja sinn sem hann er fangelsaður á þessu ári í Rússlandi.
Mótmælin fara fram á afmælisdegi Vladimir Putin, forseta Rússlands, sem er 65 ára í dag. Mótmælin í Moskvu og í Pétursborg eru einnig ólögleg líkt öll hin.