Alþjóðagjaldeyrissjóðurinn hvetur ríkustu þjóðir heims til að leggja ríkari áherslu á baráttuna gegn loftlagsbreytingum í nýrri skýrslu um efnahagshorfur í heiminum. Heill kafli í skýrslunni er tileinkaður áhrifum af áföllum vegna veðurs og loftlagsbreytinga á efnahagslega starfsemi. Athygli vekur að skýrslan kemur út degi eftir að fyrrverandi forsætisráðherra Ástralíu flutti umdeilda ræðu þar sem hann hélt því fram að loftlagsbreytingar væru líklega að gera góða hluti. Guardian greinir frá.

Grundvallar áskorun

Í skýrslunni er lagt upp með það að loftlagsbreytingar verði grundvallaráskorun 21. aldarinnar og kallað er eftir því að alþjóðasamfélagið dragi úr losun gróðurhúsalofttegunda áður en meira óafturkræft tjón skapast. Þá er lögð áhersla á því að ríkari löng aðstoði fátækari efnahagskerfi við að aðlagast hækkandi hitastigi jarðar. 

„Frá upphafi 20. aldar hefur meðalhiti jarðar aukist verulega. Umtalsverðar sveiflur i hitastigi heimsins hafa áður átt sér stað til lengri tíma, svo sem sveiflur í kringum ísöldina. Hins vegar virðist hraðinn á loftlagsbreytingum hafa breyst undanfarin 30 til 40 ár og virðist vera fordæmalaus undanfarin 20 þúsund ár,“ segir í skýrslunni. 

Tengdar fréttir

Loftslagsvá

„Þeir hafa ekki alveg verið að standa við sitt“

• Stórt svæði orðið eldi að bráð
• Thunberg: „Aðeins byrjunin“
• Svissneska ríkið sakfellt í loftslagsmáli
• Hitamet slegið í Austurríki

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: 21. öldin, öld umhverfismálanna. AGS og Alkirkjuráðið leggjast á sveifina.