5 manna fjölskyldu bjargað frá talibönum

Pakistanskir hermenn standa vörð við eftirlitsstöð í Parachinar, höfustað Kurram ...
Pakistanskir hermenn standa vörð við eftirlitsstöð í Parachinar, höfustað Kurram ættflokksins. AFP

Pakistanskir hermenn hafa leyst fimm manna kanadísk-bandaríska fjölskyldu úr haldi afganskra talibana. Parinu Joshua Boyle, sem er Kanadamaður, og Caitlan Coleman, sem er bandarísk, var rænt á bakpokaferðalagi í Afganistan árið 2012. Þau hafa eignast þrjú börn á þeim tíma sem þau hafa verið fangar talibana.

Pakistanski herinn segir fjölskyldunni hafa verið bjargað í aðgerðum nærri landamærum Afganistan, eftir að vísbending barst frá Bandaríkjaher. Donald Trump Bandaríkjaforseti sagði málið vera „jákvæða stund“ í samskiptum Bandaríkjanna og Pakistan, að því er BBC greinir frá.

„Coleman fæddi þrjú börn parsins á meðan þau voru í haldi,“ sagði í yfirlýsingu frá Trump. „Þau eru frjáls í dag.“

Þá sagði hann samstarf stjórnvalda í Pakistan vera til merkis um að þau virði óskir Bandaríkjanna um að auka öryggi á svæðinu.

Í yfirlýsingu frá pakistanska hernum segir að bandarískar njósnastofnanir hafi fylgst með ferðum fjölskyldunnar í Afganistan og að tilkynning hafi borist í gær um að búið væri að flytja fjölskylduna yfir á svæði Kurram ættflokksins í Pakistan.

Talibanar hafa birt myndbönd af fjölskyldunni þann tíma sem hún hefur verið í varðhaldi, m.a. í tengslum við kröfu sína um að þrír talibanar verði látnir lausir úr fangelsi í Afganistan.

Síðasta myndbandið af fjölskyldunni var birt í desember á síðasta ári og þar sést parið ásamt tveimur ungum drengjum. Coleman, sem var ólétt þegar þeim var rænt, sést í myndbandinu biðja um að þessari „Kafkalíku martröð“ fari að ljúka.

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

BÍLKERRUR _ BÍLKERRUR _ BÍLKERRUR
Sterku þýsku ANSSEMS & HULCO kerrurnar, sjá möppu 83 á Facebook > Mex byggingavö...
Lausar íbúðir ...Eyjasól ehf.
Fallegar 2-3ja herb. íbúðir í Reykjavik lausir dagar í okt/nov.. Allt til alls...
Stórkostlegar Nuddoliur komnar tilboð 2000 kr flaskan, 6 mismunandi tegundir
Stórkostlegar Nuddoliur komnar tilboð 2000 kr flaskan, 6 mismunandi tegundir ...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
 
Framhald uppboðs
Nauðungarsala
Uppboð Einnig birt á www.naudungarsolu...
L edda 6017101719 iii
Félagsstarf
? EDDA 6017101719 III Mynd af auglýsi...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagsstarf aldraðra
Staður og stund
Aflagrandi 40 Dagurinn byrjar á opinni v...