Vilja frekar engan samning en slæman
Setja bókamerki
Mikill meirihluti Breta vill frekar engan samning um framtíðartengsl Bretlands við Evrópusambandið eftir að landið yfirgefur sambandið formlega í lok mars 2019 en slæman samning. Þetta er niðurstaða skoðanakönnunar á vegum bresku sjónvarpsstöðvarinnar Sky.
Fram kemur á Twitter-síðu fréttastofu Sky að 74% Breta séu þessarar skoðunar en 26% telji hins vegar að allir samningar séu betri en enginn samningur. Breska ríkisstjórnin tilkynnti fyrr í vikunni að hafinn væri undirbúningur fyrir þann möguleika að samningar næðust ekki.
Meirihluti breskra kjósenda, eða 52%, samþykkti í þjóðaratkvæði sumarið 2016 að segja skilið við Evrópusambandið og hafa bresk stjórnvöld síðan unnið að því markmiði. Formlegar viðræður hófust fyrr á þessu ári en þær þykja á heildina litið ekki hafa gengið nógu vel.
Starfsfólk gæti fengið reikning frá Skattinum
Segir óábyrgt að skipta út öllu bankaráðinu
Innviðir þandir og álagið „gríðarlegt“
Hafa samþykkt kaup fyrir um 9,2 milljarða
Markaðurinn hitnar og leiguverð hækkar hratt
„Það er skiljanlegt að þolinmæði þeirra sé lítil“
Kvikan virðist nú skiptast til helminga