Fellibylurinn Ófelía gengur nú yfir Bretlandseyjar og hefur valdið töluverðum skaða, aðallega á Írlandi.
Frétt mbl.is: Kona lést í óveðrinu á Írlandi
The Irish Times greinir frá því að þrír eru látnir. Kona lést þegar tré féll á bíl hennar í Vestur-Waterford í morgun. Maður lést af sömu orsökum í Louth. Þá lést maður á þrítugsaldri þegar hann slasaðist illa við hreinsunarstörf eftir að tré féll á veg. Maðurinn var fluttur á sjúkrahús þar sem hann lést.
Um 360.000 heimili og fyrirtæki eru án rafmagns og óljóst er hvenær hægt verður að koma rafmagninu aftur á.
Mikil rigning og sterkar vindhviður fylgja óveðrinu. Þök hafa fokið af húsum og stúkur á knattspyrnuvöllum hafa hrunið í sundur. Ljóst er að eyðileggingin af völdum Ófelíu verður gríðarlega mikil.
Ófelía færir sig nú yfir til suðvesturhluta Írlands og hefur neyðarástandi verið lýst yfir. Almenningssamgöngur hafa legið niðri í dag og skólum hefur verið lokað. Hefðbundið skólastarf mun ekki fara fram á morgun, þriðjudag.
Latest forecast data for #Ophelia
— Met Éireann (@MetEireann) October 16, 2017
Centre of the low now moving off the north Mayo coast. pic.twitter.com/ECROjIe7nL
Frétt mbl.is: Jarðarförum frestað vegna Ófelíu