Foreldrarnir kaldrifjaðir morðingjar

Taívanska lögreglan að störfum en myndin er úr safni AFP.
Taívanska lögreglan að störfum en myndin er úr safni AFP. AFP

Taívönsk hjón hafa verið ákærð fyrir misnotkun og að bera ábyrgð á dauða þriggja barna þeirra. Lík barnanna fundust á ólíkum stöðum þar sem þau höfðu verið grafin með leynd.

Faðirinn, Lee, viðurkennir að hafa barið syni sína tvo, sjö ára og tíu mánaða, áður en þeir létust, segir í tilkynningu frá saksóknara. Lee er ákærður fyrir að hafa veitt þeim áverka sem leiddi til dauða þeirra. Ekki er vitað um dánarorsök sex mánaða gamallar dóttur þeirra hjóna. Lee, sem er 37 ára, neitar því að hafa misnotað dóttur sína. 

Móðirin, Chen, er ákærð fyrr vanrækslu sem leiddi til dauða barnanna. Bæði eiga þau yfir höfði sér lífstíðarfangelsi.

Lee segir að hann hafi ekki getað ímyndað sér að börnin myndu deyja. Hann hafi aðeins viljað kenna þeim lexíu. Bar hann fyrir sig að þau hafi bæði verið grenjandi og öskrandi þannig að hann hafi barið þau í þeirri von að þau myndu þagna. 

Almenningi í Taívan er mjög brugðið og margir sem eru ósáttir við að ekki sé farið fram á dauðarefsingu yfir þeim líkt og hægt er ef um alvarlega glæpi er að ræða í Taívan.

Í fjölmiðlum í Taívan er þeim lýst sem kaldrifjuðum og skelfilegum foreldrum. „Jafnvel þó að þau verði ekki dæmd til dauða af dómara þá munu þau fara til helvítis þegar þau deyja,“ skrifar lesandi á vef fjölmiðilsins Apple Daily. „Þau eru skepnur sem ætti að skjóta til bana,“ segir annar lesandi.

Að sögn saksóknara er Lee atvinnulaus áfengissjúklingur. Börnin létust á árunum 2008-2013 þegar hjónin voru á flótta undan réttvísinni fyrir þjófnað og fjársvik.

Þau grófu sjö ára gamlan son sinn skammt frá á í Yunlin-sýslu en Lee er þaðan. Faðir Lee hefur einnig verið ákærður fyrir að aðstoða við að koma líkinu fyrir. Líkamsleifar stúlkunnar voru grafnar í bakgarðinum við heimili föður Lee. Tíu mánaða gamli drengurinn vr grafinn í Taoyuan í Norður-Taívan.

Þegar lögreglan hafði loks hendur í hári hjónanna í fyrra og handtók þau fyrir þjófnað og fjársvik reyndi lögreglan að hafa upp á eldri drengnum. Hjónin sögðu að hann hefði verið ættleiddur en elsta dóttir þeirra, sem er núna 12 ára gömul, greindi lögreglu frá því að bróðir hennar hafi verið barinn til bana.

Stúlkan er komin í fóstur ásamt tveimur yngri systkinum sínum.. 

mbl.is

Frá Sýrlandi til Evrópu - Greinaflokkur

HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
antik flott innskotsborð innlögp plata
er me falleg innskotsborð,innlögð rós í plötu í góðu standi.fæst á 45,000 kr sí...
HARMONIKKUHURÐIR SPARA MIKIÐ PLÁSS
Margar gerðir, oftast afgreiddar samdægurs, verð frá kr. 13.900,- Sími 848 3215...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
L helgafell 6017112219 iv/v
Félagsstarf
? HELGAFELL 6017112219 HogV IV/V M...
Framhald
Nauðungarsala
Uppboð Einnig birt á www.naudungarsolu...
L edda 6017112119 i h&v
Félagsstarf
? EDDA 6017112119 I H&V; Mynd af augl...
Almennt útboð mobile first
Tilboð - útboð
Almennt útboð MOBILE FIR...