Reknir fyrir að draga farþega úr flugvél

Mynd/Wikipedia

Tveir flugvallarstarfsmenn sem sinntu öryggisgæslu á Chicago-flugvelli hafa reknir fyrir að hafa dregið farþega út úr vél United Airlines með valdi. Farþeginn, dr. David Dao, nefbrotnaði í átökunum og tvær tennur hans brotnuðu. SkyNews greinir frá.

Ástæðan fyrir því að Dao var meðhöndlaður með þessum hætti var sú að vélin hafði verið yfirbókuð og það vantaði sæti fyrir aukaáhöfn sem átti að fara með henni. Nafn hans var valið af handahófi af farþegalistanum og hann beðinn um að yfirgefa vélina. Þegar hann neitaði, og sagðist þurfa að komast á áfangastað til að sinna sjúklingi, var hann dreginn úr sæti sínu með valdi.

Atvikið, sem átti sér stað í apríl síðastliðnum um borð í flugvél United Airlines, náðist á upptöku af nokkrum öðrum farþegum og náði flugi á samfélagsmiðlum. Málið hefur nú verið rannsakað og fengu tveir starfsmenn flugvallarins að taka pokann sinn í kjölfarið. Sá sem fyrstur hóf að draga Dao úr sæti sínu og yfirmaður sem kom til aðstoðar.

Við átökin slóst höfuð Dao í armpúða á sætinu með þeim afleiðingum að hann nefbrotnaði. Hann var svo dreginn alblóðugur eftir ganginum. Skömmu síðar náðist myndband af því þegar hann stóð upp og sagði: „Drepið mig bara.“

Dao hótaði að fara í mál við United Airlines vegna málsins en hann sættist á bætur frá flugfélaginu.

mbl.is

Frá Sýrlandi til Evrópu - Greinaflokkur

Skrifstofuhúsnæði - hagstætt leiguverð.
Til leigu er 197 ferm. skrifstofuhúsnæði við Bíldshöfða. Skiptist í móttöku, fim...
SKRIFSTOFUHERBERGI
TIL LEIGU 2 SKRIFSTOFUHERBERGI Á GÓÐUM STAÐ VIÐ SÍÐUMÚLA. ANNAÐ ER AÐ HEFÐBUNDIN...
fjórir stálstál-stólar nýtt áklæði.þessir gömlu góðu sími 869-2798
er með fjóra nýklædda stálstóla þessa gömlu góðu á 40,000 kr sími 869-2798...
Faglærður húsasmiður .
B.Bollason ehf. Byggingaverktaki. Tek að mér smíðavinnu fyrir einstaklinga og f...
 
Samkoma
Félagsstarf
Samkoma kl. 20 í Kristniboðs- salnum. R...
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...