Sigur á Ríkis íslams í sýrlensku borginni Raqqa var sögulegur. Þetta sagði talsmaður Sýrlensku lýðræðissveitarinnar (SFD) sem njóta stuðnings Bandaríkjahers, við opinbera athöfn í borginni í dag.

Talal Sello, talsmaður SFD sagði að þegar hersveitin náði Raqqa á sitt vald hafi verið um að ræða „sögulegan sigur“ sem væri tileinkaður „öllu mannkyni“.

Frétt af mbl.is

Búnir að ná Raqqa á sitt vald

„Við í Sýrlensku lýðræðissveitinni tilkynnum að við munum afhenda öryggissveitum borgina Raqqa nærliggjandi sveitir,“ bætti Sello við.

Ríki íslams gerði Raqqa að höfuðstöðvum Kalíf­a­dæm­is síns snemma árs 2014 og tóku þá upp öfga­kennda túlk­un á kenn­ing­um íslams.

Liðsmenn sam­tak­anna stóðu þar fyr­ir kross­fest­ing­um, af­tök­um og ýms­um pynt­ing­um til að vekja ótta með þeim íbú­um borg­ar­inn­ar sem voru and­snún­ir sam­tök­un­um.

Torgið Al-Naim í Raqqa. AFP

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt