Forsetafrúin berst gegn einelti

Fjölmargir gagnrýndur Donald Trump Bandaríkjaforseta segja hann einn valdamesta yfirgangssegg í heimi. Það kom ekki í veg fyrir að eiginkona hans, Melania Trump, hæfi baráttu gegn einelti í skóla í Detroit í dag.

„Ég held að það sé mikilvægt að við veljum góðmennsku og samkennd,“ sagði forsetafrúin við nemendur í Orchard Lake-skólanum í úthverfi Detroit. Heimsókn hennar var hluti af baráttumánuði gegn einelti.

„Ég hvet ykkur til að finna nýja vini. Spyrjið þá hvað þeim þykir skemmtilegt að gera, hver áhugamál þeirra eru. Þannig verður enginn leiður eða kvíðinn og öllum líður eins og þeir séu hluti af hóp,“ sagði Melania.

Forsetafrúin sagði áður en maður hennar varð forseti að hún vildi beita sér fyrir bættum samskiptum á samfélagsmiðlum. Hún sagði umræðuna á sam­fé­lags­miðlum vera „of and­styggi­lega og harða“ og feli oft í sér niðrandi at­huga­semd­ir um út­lit fólks og gáf­ur.

• Blogga um frétt