Fékk 17,4 milljónir fyrir að þegja

Harvey Weinstein.
Harvey Weinstein. AFP

Aðstoðarkona Harvey Weinstein í Bretlandi segir að hún hafi fengið greidd 125 þúsund pund, 17,4 milljónir króna, fyrir að þegja eftir að hún sakaði kvikmyndaframleiðandann um kynferðislega áreitni.

Zelda Perkins greinir frá þessu í Financial Times í dag. Hún segist hafa skrifað undir þagnareið árið 1998 eftir að hún bar fram ásakanir sínar. Að sögn Perkins bað Weinstein hana um að nudda sig og reyndi að toga hana niður í rúmið til sín. Þegar hún bar fram ásakanir á hendur honum var hún sneypt fyrir að bera fram þessar ásakanir á hendur honum. Weinstein hefur neitað öllum ásökunum um að þvingað konur til kynferðisathafna með sér. 

Lupita Nyong'o.
Lupita Nyong'o. AFP

Perkins segist hafa greint frá áreitninni eftir að starfssystir hennar sagðist einnig hafa orðið fyrir kynferðislegri áreitni af hálfu kvikmyndaframleiðandans. Konurnar fóru fram á skaðabætur og fengu samanlagt greidd 250 þúsund pund sem þær skiptu jafnt á milli sín en skrifuðu undir yfirlýsingu um að tjá sig ekki frekar um málið.

Með því að greina frá þessu nú á Perkins á hættu að þurfa að endurgreiða fjárhæðina sem og annan lögfræðikostnað vegna samningsbrotanna. Hún segir hins vegar í viðtali við Financial Times að hún vilji brjóta samninginn og greina frá málinu. Því annars verði ekki hægt að ræða um þessa samninga sem gerðir voru og hvað fólst í álaginu sem fórnarlambið varð fyrir. 

Gwyneth Paltrow.
Gwyneth Paltrow. AFP

Hún segir í viðtali við FT að Weinstein hafi beðið hana um að nudda sig þegar þau voru saman í hótelherbergi hans. Weinstein var aðeins klæddur nærfatnaði. Vitnisburður hennar er á sama hátt og svo margra annarra. Svo sem Lupita Nyong og Gwyneth Paltrow en þær segja báðar að hann hafi beðið þær um að nudda sig á hótelherbergi sínu. 

Perkins segir að hún hafi, sem aðstoðarmaður hans, oft þurft að vekja hann á morgnana og þá hafi hann ítrekað reynt að draga hana upp í rúm til sín.

mbl.is

Frá Sýrlandi til Evrópu - Greinaflokkur

Rafhlöður fyrir neyðarljós allar gerðir
Með lóðeyrum, vírum eða tengjum. Smíðum allar gerðir af neyðarljósarafhlöðum . N...
Höfuðljós, vasaljós og luktir
Milkið úrval af höfuðljósum vasaljósum luktum og fleira. Allar rafhlöður á einum...
STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
 
Félagsstarf
Staður og stund
Aflagrandi 40 Opin vinnustofa kl. 9 og b...
Framhald
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Opin vinnustofa kl 9 og gö...