Sýrlenski herinn og bandamenn hafa náð sýrlensku borginni Deir Ezzor aftur á sitt vald frá Ríki íslams. Rússneski herinn tók þátt í aðgerðinni.
Þetta segja mannréttindasamtökin Syrian Observaroty for Human Rights.
AFP-fréttastofan hefur ekki fengið staðfest að þetta hafi tekist en sé þetta raunin er ljóst að Ríki íslams hefur misst síðustu af stóru borgunum sem samtökin höfðu eitt sinn á valdi sínu.
Í síðasta mánuði hrökkluðust hryðjuverkasamtökin frá borginni Raqqa, sem var mikill ósigur fyrir þau.