Hafa náð völdum í Deir Ezzor
Reykjarsúla stígur til himins í sýrlensku borginni Deir Ezzor í aðgerðum stjórnarhersins við að reyna að ná henni aftur á sitt vald úr höndum vígamanna Ríkis íslams.
AFP
Setja bókamerki
Stjórnarher Sýrlands og herir bandamanna hafa náð völdum að fullu í borginni Deir Ezzor í austurhluta landsins. Þar hafði Ríki íslams ráðið ríkjum um skeið.
Valdatakan var tilkynnt í sýrlenska ríkissjónvarpinu í dag. „Herinn tilkynnir um full völd í Deir Ezzor-borg,“ sagði í fréttum sjónvarpsstöðvarinnar í dag. Var fréttin höfð eftir heimildarmönnum á vettvangi. „Borgin er að fullu frelsuð undan hryðjuverkastarfsemi,“ sagði í fréttinni.
Ríki íslams hefur verið með borgina á sínu valdi frá því árið 2014. Hún var mikilvægt hernaðarlegea vegna þess að hún er skammt frá landamærunum að Írak.
Átök hafa staðið í borginni vikum saman. Ríki íslams hefur undanfarna mánuði tapað völdum yfir mörgum borgum og bæjum í Írak og Sýrlandi.
Hafa samþykkt kaup fyrir um 9,2 milljarða
Segir óábyrgt að skipta út öllu bankaráðinu
„Það er skiljanlegt að þolinmæði þeirra sé lítil“
„Menn eru bara búnir að forgangsraða“
Aukin tíðni þungunarrofa hjá yngsta aldurshópnum
Innviðir þandir og álagið „gríðarlegt“
Mikil skjálftavirkni á landinu áhyggjuefni
Benda á Samgöngustofu sem bendir út í heim