Tímaritið Tatler hefur beðið Daisy Lewis, sem meðal annars hefur leikið í vinsælu þáttunum Downtown Abbey, afsökunar á ummælum sem höfð voru um hana í blaðinu þess efnis að hún væri líklega „skemmtileg í rúminu“. BBC greinir frá.

Í hluta blaðsins sem kallast „Little Black Book“, þar sem finna má myndir og og upplýsingar um álitlega einhleypa einstaklinga, er haft á orði um Lewis að hún sé hávær. Það geri hana mjög skemmtilega í partíum, og líklega líka í rúminu.

Lewis tjáði sig um atvikið á Twitter þar sem hún sagðist vera í miklu uppnámi vegna þessa. „En sem betur fer er ég nógu „hávær“ til að segja það. Les enginn fréttirnar hjá Tatler?“

Tímaritið baðst afsökunar í færslu á Twitter og sagðist einnig ætla að birta afsökunarbeiðni í næsta tölublaði.

Tengdar fréttir

MeT­oo - #Ég líka

Ákvörðun um að víkja Jóhanni úr landsliði stendur

• Um 30% kvenkyns skurðlækna orðið fyrir kynferðisofbeldi
• Skiluðu skömminni á Sauðárkróki
• Druslur fjölmenntu á Austurvöll
• Vanhæfur vegna veikinda og verður ekki dæmdur

» Fleiri tengdar fréttir

• Blogga um frétt