Mælti með því að Trump færi til Rússlands
Setja bókamerki
Annar ráðgjafi Donald Trump í kosningabaráttunni í fyrra hefur stigið fram og viðurkennt að hafa verið í samskiptum við rússneska embættismenn. Hann segist hafa lagt það til að Trump myndi sækja Rússland heim meðan á kosningabaráttunni stæði.
Carter Page, sem starfaði áður hjá fjárfestingarbanka og er sérfróður í málefnum Rússlands, kom fyrir rannsóknarnefnd þingsins í síðustu viku og sagðist hafa átt í „stuttorðum“ samskiptum við aðstoðarforsætisráðherra Rússlands, Arkadí Dvorkovich, í einkaferð til Moskvu í júlí 2016. Þetta kemur fram í handriti af vitnisburði Page sem birtur var í gær.
Page sagðist jafnframt hafa lagt til í maí í fyrra að Trump færi til Rússlands og ræddi þar við ráðamenn og flytti ræðu. Í sama mánuði lagði annar ráðgjafi Trumps í erlendum málefnum, George Papadopoulos, til að Trump færi til Moskvu.
Shakespeare fannst í skókassa
Banna mengandi búnað sem leyfður er á Íslandi
„Hvílir mikil leynd yfir þessu öllu“
Sex hafa greinst með listeríu
Krefjast stöðvunar framkvæmda
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Skemmtiferðaskip hætt komið nærri Viðey