Íhuga að breyta stjórnarskrá Spánar

Borgarstjóri Barcelona, Ada Colau, og aðrir borgarstjórnarmenn og stuðningsmenn aðskilnaðar ...
Borgarstjóri Barcelona, Ada Colau, og aðrir borgarstjórnarmenn og stuðningsmenn aðskilnaðar mynda hér orðið lýðræði fyrir framan heimkynni Katalóníuþings. AFP

Stjórnvöld á Spáni íhuga nú að gera breytingar á stjórnarskrá landsins sem geri héruðum Spánar kleift að greiða í framtíðinni atkvæði um eigið sjálfstæði. Þetta hefur BBC eftir Alfonso Dastis, utanríkisráðherra Spánar.

Eru spænsk stjórnvöld með þessu sögð vera að bregðast við atburðum undanfarinna vikna í Katalóníu, þar sem héraðsstjórnin var sett af í kjölfar þess að hafa einhliða lýst yfir sjálfstæði.

Átta af leiðtogum héraðsstjórnarinnar eru nú í fangelsi á meðan að yfirvöld í Madrid rannsaka hvort þeir hafi gerst sekir um uppreisn og uppreisnaráróður í tengslum við sjálfstæðisyfirlýsinguna, sem stjórnarskrá Spánar leggur bann við.

„Við höfum komið á fót þingnefnd til að rannsaka möguleikann á því að gera breytingar á stjórnarskránni til að geta mætt betur metnaði sumra íbúa Katalóníu,“ sagði Dastis. „Ákvörðunina sjálfa þurfa hins vegar allir íbúar Spánar að taka.“

Spænska stjórnin tók yfir stjórn Katalóníuhéraðs í kjölfar sjálfstæðisyfirlýsingarinnar og tilkynnti í kjölfarið að ný héraðsstjórn yrði kosin í 21. desember. Hvatti Mariano Rajoy, forsætisráðherra Spánar, til þess að Katalóníubúar flykktust á kjörstað svo Spánn geti komist út úr núverandi ógöngum.

Sagði Rajoy, Carles Puigdemont sem var leiðtogi Katalóníu áður en héraðsstjórnin var sett af, ekki hafa vald til að einhliða lýsa yfir sjálfstæði héraðsins frá Spáni.

„Héraðsstjóri getur ekki úrskurðað að stjórnarskráin gildi ekki á hans svæði. Héraðsstjóri getur ekki búið til hliðstæðan lagaramma,“ sagði Rajoy.

Puig­demont gaf sig um helgina fram við lög­reglu­yf­ir­völd í Belg­íu eftir að spænsk­ur dóm­ari gaf út evr­ópska hand­töku­skip­un á hend­ur honum á föstu­dag.

Hann hef­ur að und­an­förnu dvalið í Belg­íu eft­ir að spænska stjórn­in vék hon­um úr embætti og hefur ekki vilja snúa aft­ur til Spán­ar nema hann hljóti sann­gjörn rétt­ar­höld. 

mbl.is

Bloggað um fréttina

Frá Sýrlandi til Evrópu - Greinaflokkur

Laus íbúð um jólin..."Eyjasol ehf.
Eigum lausa daga í íbúðum í Reykjavik fyrir erlenda og íslenska ferðamenn. Rúm ...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Glæsilegur lampi og skápur úr Tekki
Til sölu ca 60ára gamall lampi/skápur.Lítur mjög vel út. verð kr 38.000 uppl 8...
VOLVO V70
VOLVO V70 ÁRG. 2006, EINN EIGANDI, EK. AÐEINS 104 Þ. KM., 2,4L., 5 GÍRA, DÖKKT L...
 
Framhald
Nauðungarsala
Uppboð Einnig birt á www.naudungarsolu...
Kröflulína
Tilkynningar
Mynd af auglýsingu ...
Samkoma
Félagsstarf
Söngsamkoma kl. 20 í Kristni- boðssalnu...
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...