Lögreglan í Los Angeles rannsakar nú meintan barnaklámshring í Hollywood. Rannsóknin er byggð á gögnum frá leikaranum Corey Feldman.

Corey Feldman hefur nokkrum sinnum reynt að vekja athygli á kynferðisofbeldi sem hann varð fyrir sem barnastjarna í Hollywood en ekki hlotið hljómgrunn, fyrr en nú. AFP

Í frétt The Guardian kemur fram að lögreglan hafi staðfest að hún hafi undir höndum skýrslu frá fyrrverandi barnastjörnunni sem innihaldi gögn um kynferðisbrot gegn ungum leikurum í Hollywood.

Feldman greindi frá því á dögunum að hann ætli sér að upp­ljóstra um hring barn­aníðinga í Hollywood. Hann hef­ur nú hafið hóp­söfn­un fyr­ir heim­ild­ar­mynd um um­fang barn­aníðs í kvik­mynda­borg­inni.

Ross Nemeroff, rannsóknarlögreglumaður hjá lögreglunni í Los Angeles, staðfestir í samtali við The Hollywood Reporter að rannsókn tengd barnaníði í Hollywood sé hafin hjá embættinu. Feldman greindi frá því á Twitter-aðgangi sínum að hann hefði afhent lögreglunni gögn um málið.

IMPORTANT CAMPAIGN UPD8: I JUST COMPLETED A FORMAL SIT DOWN INTERVIEW W @LAPDHQ SPECIAL DIVISION, & GAVE THEM ALL THE INFO I KNOW! THIS WAS

— Corey Feldman (@Corey_Feldman) November 7, 2017

Sögur um barnaníð í Hollywood hafa sprottið upp reglulega en aldrei fengið eins mikinn hljómgrunn og nú. Ástæðuna má rekja til þess fjölda sem hefur stigið fram og greint frá reynslu sinni af kynferðisofbeldi í kjölfar þeirra leikkvenna sem hafa greint frá ofbeldi og áreiti af hálfu kvikmyndaframleiðandans Harvey Weinstein.

Lestu meira: Kerfisbundið barnaníð í Hollywood

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt