82 útlendingar handteknir í Tyrklandi
Setja bókamerki
Tyrkneska lögreglan hefur handtekið 82 útlendinga sem ætluðu sér að fara yfir landamærin til Sýrlands en fólkið er grunað um að tengjast vígasamtökunum Ríki íslams.
Húsleit var gerð á 14 stöðum í Istanbúl í morgun en fólkið hefur allt tengst starfsemi Ríkis íslams á átakasvæðum, segir í frétt Anadolu-ríkisfréttastofunnar.
Í borginni Adana voru síðan 11 meintir liðsmenn Ríkis íslams handteknir en þeir eru allir af sýrlenskum uppruna.
Fyrir nokkrum dögum handtók lögreglan í Ankara 173 manns sem eru grunaðir um tengsl við hryðjuverkasamtök.
Alls hafa 1.500 lögreglumenn tekið þátt í aðgerðunum og hefur verið gefin út handtökuskipun á hendur 245 manneskjum. Um 450 hafa verið handteknir vegna gruns um að tengjast Ríki íslams í Tyrklandi í síðasta mánuði.
Hafa „ágætis tíma“ til úrbóta
Á annað hundrað símtala vegna nikótínvara
Segjast ekki vera á kaldri slóð
Hæstiréttur staðfestir vanhæfi alls Landsréttar
Nauðgaði kærustu sinni og tók það upp
Almannavarnir auka viðbúnað
Sama stefna í gildi í útlendingamálum