Trump og Pútín hittast ekki

Flugvél forseta Bandaríkjanna, Donald Trump.
Flugvél forseta Bandaríkjanna, Donald Trump. AFP

Forseti Bandaríkjanna, Donald Trump, mun ekki eiga fund með rússneskum starfsbróður sínum, Vladimír Pútín, í Víetnam líkt og til stóð. AFP-fréttastofan fékk þetta staðfest hjá Hvíta húsinu í dag. 

Leiðtogarnir taka þátt í ráðstefnu APEC, Efnahagssamtaka Asíu- og Kyrrahafsríkja, í borginni Danang í Víetnam og höfðu birst misvísandi fregnir af því hvort þeir myndu hittast á fundi í tengslum við ráðstefnuna.

„Varðandi fund með Pútín þá var aldrei búið að staðfesta slíkan fund og það verður enginn slíkur fundur haldinn vegna árekstra í dagskrá þeirra beggja,“ sagði blaðafulltrúi forseta Bandaríkjanna, Sarah Sanders, rétt áður en flugvél forsetans lenti í Danang.

Í gær hafði aðstoðarmaður Pútíns, Júrí Ushakov, sagt rússneskum fréttastofum að Trump og Pútín myndu funda en hvorki staður né stund lægi fyrir.

En nokkrum klukkustundum síðar sagði utanríkisráðherra Bandaríkjanna, Rex Tillerson, að engin ákvörðun hefði verið tekin varðandi fund forsetanna.

Tilkynning Sanders, sem gefin var skömmu áður en forsetavélin lenti í Danang, útilokar því frekari vangaveltur um hvort af fundi verður næstu tvo daga.

Pútín og Trump hittust síðast á G20-fundi í Þýskalandi í júlí. Tengslin milli Moskvu og Washington hafa kólnað á sama tíma og rannsakað er af hálfu bandarískra yfirvalda hvort starfsmenn kosningabaráttu Trumps hafi átt leynifundi með fólki sem tengist stjórnvöldum í Moskvu með beinum eða óbeinum hætti. Rússnesk yfirvöld neita því að hafa gripið þar inn á nokkurn hátt.

mbl.is

Frá Sýrlandi til Evrópu - Greinaflokkur

útskorið og flott sófaborð
er með fallegt sófaborð útskorið með svartri glerplötu á 35,000 kr sími 869-2798...
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
 
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Framhaldsuppboð
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristni- boðssalnum. K...