Verður látin laus gegn tryggingu
Setja bókamerki
Fyrrverandi forseti héraðsþings Katalóníuhéraðs, Carme Forcadell, verður látin laus úr haldi í Madríd í dag. Stuðningsmenn hennar greiddu 150 þúsund evrur í tryggingu en hún er ásamt fleiri þingmönnum ákærð fyrir að hafa hvatt til liðhlaups, ýtt undir byltingu og misnotað almannafé þegar katalónska þingið samþykkti sjálfstæðisyfirlýsinguna 27. október.
Dómari við hæstarétt Spánar fyrirskipaði að henni yrði haldið í varðhaldi vegna ákæru á grundvelli þess að hafa staðið fyrir uppreisn. Verði hún fundin sek er þyngsta mögulega refsing 30 ára fangelsi.
Heimildir AFP-fréttastofunnar herma að Forcadell hafi komið í Alcala Meco-fangelsið skammt frá Madrid í nótt.
Talskona dómstólsins staðfesti í dag að tryggingin hefði verið greidd og aðeins væri beðið staðfestingar dómara um að láta ætti hana lausa.
„Tíminn er runninn út fyrir Kristján Loftsson“
Kvikan virðist nú skiptast til helminga
Þrjú og hálft ár fyrir skotárás í Úlfarsárdal
„Þögnin er ærandi“
„Menn eru bara búnir að forgangsraða“
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“