16 ára þegar Bush káfaði á henni

George H. W. Bush fyrrverandi Bandaríkjaforseti. Talsmaður Bush hefur viðurkennt ...
George H. W. Bush fyrrverandi Bandaríkjaforseti. Talsmaður Bush hefur viðurkennt að hann hafi snert afturenda nokkurra kvenna. AFP

Roslyn Corrigan segist hafa verið 16 ára gömul þegar að George H.W. Bush, fyrrverandi Bandaríkjaforseti, káfaði á henni er hann sat fyrir á mynd með henni og móður hennar.

Corrigan er sjötta konan sem sakar Bush hinn eldri um að hafa snert sig á óviðurkvæmilegan hátt við sambærilegar aðstæður.

Í viðtali við Time Magazine kvaðst Corrigan hafa hitt Bush árið 2003 á fundi starfsmanna bandarísku leyniþjónustunnar CIA í Texas, þar sem faðir hennar vann.

„Mín fyrstu viðbrögð voru algjör skelfing,“ segir hún og rifjar atvikið upp. „Ég var virkilega ringluð. Ég var barn.“

Talsmaður Bush hefur áður viðurkennt að hann hafi snert afturenda nokkurra kvenna.

Jim McGrath, talsmaður Bush, sagði í samtali við BBC í dag að forsetinn fyrrverandi, „hefði það einfaldlega ekki í sér að valda viljandi einhverjum tjóni eða angist og að hann biðji enn og aftur alla þá sem hann hafi sært við myndatöku afsökunar.“

Myndataka Corrigan mæðgnanna með Bush með fór fram í starfsstöð CIA í Woodlands í Texas í nóvember 2003.

„Um leið og smellt var af, þá lét hann hönd sína falla úr mitti mér og niður á rasskinnar og kreisti og það er ástæða þess að ég er með galopinn munn á myndinni,“ segir Corrigan. „Ég var alveg. Guð minn góður hvað er að gerast,“ rifjar hún upp. „Ég sagði ekki neitt. Hvað segir táningur við fyrrverandi forseta Bandaríkjanna. „Hey gaur, þú áttir ekki að káfa svona á mér?“

Bush var 79 ára þegar þetta var.

Eftir að nokkrar aðrar konur greindu frá sambærilegri reynslu í síðasta mánuði sagði McGrath að forsetinn fyrrverandi hefði „stöku sinnum klappað konum á aftur endann á því sem átti að vera vingjarnlegan hátt“.“

Bætti hann við að þar sem að Bush notaði hjólastól þá legði hann hönd sína neðarlega í mitti þeirra sem hann sæti fyrir með á myndum.

Bush stendur hins vegar á myndinni með Corrigan og segist hún því ekki trúa „afsökuninni um gjörðir elliærs gamals manns.“

mbl.is

Frá Sýrlandi til Evrópu - Greinaflokkur

Trúlofunar- og giftingarhringar í úrvali
Auk gullhringa eigum við m.a. hvítagull, silfur og titaniumpör á fínu verði. Dem...
Mercedes Benz
Mercedes Benz Sprinter 316 CDI 4X4 àrg. 2016. Ekinn 11 þús km. Hátt og lágt drif...
Allt þetta fólk Þormóðsslysið 18.2. 1943
Þormóðsslysið var hræðilegt áfall og hafði mikil áhrif á Bíldudal og nærsveitir....
 
Framhald
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og j...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Framhald uppboðs
Nauðungarsala
Uppboð Einnig birt á www.naudungarsolu...