Vildu Assange sem sendiherra

Julian Assange hefur búið í sendiráði Ekvador í London síðustu ...
Julian Assange hefur búið í sendiráði Ekvador í London síðustu árin. mbl.is/AFP

Wikileaks reyndi að fá Julian Assange settan í embætti sendiherra Ástralíu í Bandaríkjunum eftir að Donald Trump var kjörinn forseti Bandaríkjanna. Þetta er meðal þess sem kemur fram í leyniskjölum sem tengjast Trump og var lekið í Atlantic-tímaritið.

Meðal annars kemur fram að sonur forsetans og alnafni, Donald Trump yngri, hafi verið í samskiptum við Wikileaks á Twitter. Um bein samskipti er að ræða og áttu þau sér stað skömmu fyrir forsetakosningarnar í fyrra. Afritum af þeim hefur verið komið til rannsóknarnefndar bandaríska þingsins af hálfu lögmanna Trumps yngri. 

Samkvæmt samskiptum Trumps yngri og Wikileaks sóttist hvor um sig eftir upplýsingum frá hinum og í frétt Guardian kemur fram að þar er að finna afar ósvífnar hugmyndir frá Wikileaks. Til að mynda að forsetinn óski eftir því við áströlsk yfirvöld að þau skipi Assange sendiherra landsins í Bandaríkjunum.

Donald Trump Jr.
Donald Trump Jr. AFP

16. desember, mánuði eftir kjör Trumps, bað Wikileaks Trump yngri að leggja það til við föður sinn að Ástralar tilnefndu Assange sem sendiherra í Washington, DC.

„Hæ Don, vona að þú hafir það gott!, skrifar Wikileaks til Trumps yngri. „Í sambandi við herra Assange: Obama/Clinton settu þrýsting á Svíþjóð, Bretland og Ástralíu (heimaland hans) um að fara með ólöglegum hætti gegn herra Assange. Það væri mjög auðvelt og kæmi sér vel ef pabbi þinn legði það til við Ástralíu að tilnefna Assange sem sendiherra í DC.“

WikiLeaks gengur jafnvel svo langt að leggja til orðalag á beiðni Trumps til ástralskra yfirvalda. „Þetta er reglulega klár og harðskeyttur náungi og þekkasti Ástralinn sem þið hafið yfir að ráða! eða eitthvað í þessa veru,“ skrifar WikiLeaks í skilaboðum til Trumps yngri.

Frétt Guardian í heild

mbl.is

Frá Sýrlandi til Evrópu - Greinaflokkur

Trúlofunar- og giftingarhringar í úrvali
Auk gullhringa eigum við m.a. hvítagull, silfur og titaniumpör á fínu verði. Dem...
Mercedes Benz
Mercedes Benz Sprinter 316 CDI 4X4 àrg. 2016. Ekinn 11 þús km. Hátt og lágt drif...
Allt þetta fólk Þormóðsslysið 18.2. 1943
Þormóðsslysið var hræðilegt áfall og hafði mikil áhrif á Bíldudal og nærsveitir....
 
Framhald
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og j...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Framhald uppboðs
Nauðungarsala
Uppboð Einnig birt á www.naudungarsolu...