Kanadíska lögreglan stöðvaði ökumann eftir að hafa tekið eftir að hann hafði komið sér upp eigin afþreyingakerfi á stýri bílsins. Hafði maðurinn fest bæði snjallsíma og spjaldtölvu við stýrið, auk þess að aka bílnum með heyrnartól á hausnum.
Umferðadeild lögreglunnar í Vancouver sendi frá sér mynd af græjunum á samfélagsmiðlasíðum sínum.
„Einmitt þegar ég held að ég hafi séð allt, þá kemur mynd eins og þessi sem einn lögreglumanna okkar tók,“ hefur BBC eftir Jason Doucette hjá lögreglunni í Vancouver.
Lögregla veitti ökumanninum langt tiltal um akstursöryggi.
While playing #PokemonGo may be fun, it's not worth risking your life or the lives of others so that you can play while driving! Not to mention the $368 ticket this driver received after he pulled up beside two police officers while playing & driving. #DontDriveDistracted! #VPD pic.twitter.com/kvlXCdcuhy
— Vancouver Police (@VancouverPD) November 13, 2017
Fyrr í þessum mánuði sektaði lögreglan í Vancouver ökumann sem stöðvaði bíl sinn við hlið tveggja lögreglumanna á meðan hann var að spila snjallsímaleikinn Pokémon Go.