Stallone neitar að hafa áreitt ungling

Sylvester Stallone
Sylvester Stallone AFP

Leikarinn Sylvester Stallone hefur vísað ásökunum þess efnis að hann og lífvörður hans hafi áreitt 16 ára aðdáanda á bug. Atvikið á að hafa átt sér stað í Las Vegas á níunda áratug síðustu aldar.

Breski miðilinn Mail Online hefur birt það sem það segir vera lögregluskýrslu frá árinu 1986 þar sem greint er frá ásökunum.

Stúlkan sem um ræðir kærði ekki vegna þess að hún „skammaðist sín“ að því er kemur fram í skýrslunni. Einnig kom fram að hún hafi verið hrædd og því var ekkert frekar gert í málinu.

Talsmaður Stallone segir að þessar fréttir séu algjör vitleysa. „Það vissi enginn af þessu fyrr en við sáum þetta í fréttum núna,“ sagði Michelle Bega, talsmaður Stallone.

„Yfirvöld höfðu aldrei samband við Stallone eða einhvern honum tengdan vegna þess sem fram kemur þarna,“ bætti hún við.

Hún 16 ára, Stallone fertugur

Samkvæmt skýrslunni hitti stúlkan mennina á hóteli í Las Vegas en hún ætlaði sér að fá eiginhandaráritun frá þá fertugum Stallone. Hún heldur því fram að lífvörður hans hafi gefið henni lykla að hótelherbergi, þar sem hún svaf síðar hjá báðum mönnunum.

„Hún sagði að eftir að hún klæddi sig hafi Stallone tjáð henni að þeir væru báðir giftir menn og hún gæti ekki sagt neinum hvað hefði gerst. Ef hún myndi segja einhverjum yrði hún lamin,“ kom fram í skýrslunni.

Á öðrum stað kemur fram að mennirnir hafi hlegið og stúlkan hafi tekið ummælum þeirra sem að um grín væri að ræða. Þegar hún hafi síðar yfirgefið herbergið hafi hún ekki verið viss um hvort grín var að ræða.

Þar kom enn fremur fram að stúlkan hafi ekki verið þvinguð til kynmaka en hafi verið smeyk.

Frétt BBC.

mbl.is

Frá Sýrlandi til Evrópu - Greinaflokkur

Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Varmadæla til sölu,loft í loft japönsk gæði.
Mitsubishi varmadæla lítið notuð eins og ný, tilboð óskast. uppl.8691204,,eða,...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Góður GMC Envoy SLT til sölu
Góður bíll til sölu.árgerð 2002 Sjálfskiptur, bensín, 6 cyl lína, 270 hestöfl, ...
 
Framhald uppboðs
Nauðungarsala
Uppboð Einnig birt á www.naudungarsolu...
Styrkir virk
Styrkir
Styrkir VIRK Virk starfsendurhæfingar...
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...