Rússar beittu í gær neitunarvaldi í annað skipti á tveimur dögum til að koma í veg fyrir alþjóðlega rannsókn á efnavopnaárásum í Sýrlandsstríðinu.
Um var að ræða málamyndunartillögu Japana sem lögð var fram í Öryggisráði Sameinuðu þjóðanna, um framhald rannsókna á efnavopnanotkun í stríðinu, en áður höfðu Bandaríkjamenn lagt fram tillögu um framhald rannsókna sem Rússar höfnuðu einnig.
BBC segir Vesturlandaþjóðir hafa fordæmt aðgerðina, en þetta er í 11 skipti sem Rússar beita neitunarvaldi til að styðja Sýrlandsstjórn frá því að stríðið hófst. Þannig gagnrýndu rússneskir ráðamenn rannsóknina þegar Sýrlandsstjórn var kennt um notkun á taugagasi í árás á bæinn Khan Sheikhoun í apríl, sem kostaði rúmlega 80 manns lífið.
Sýrlandsstjórn hefur neitaði því að hafa beitt efnavopnum.
Rússland, Bretland, Kína, Frakkland og Bandaríkin geta öll beitt neitunarvaldi gegn tillögum Öryggisráðsins.