Kvikmyndaframleiðandinn Harvey Weinstein, sem hefur verið ásakaður um að nauðga og áreita fjölda kvenna í kvikmyndabransanum, réð til sín njósnara sem höfðu það markmið að koma í veg fyrir að ósæmileg hegðun hans yrði gerð opinber.

Fréttastofa Guardian hefur undir höndum lista með 91 nafni fólks í bransanum, þar á meðal leikkvenna og leikara, framleiðenda, útgefenda og fjármagnara. Listann afhenti hann starfsliðinu, sem hafði það hlutverk að herja á þetta fólk til að komast að því hvað það vissi um ósæmilega kynferðislega hegðun Weinsteins og hvort það hefði í hyggju að gera þá vitneskju opinbera.

Frétt af mbl.is

Njósnaher Weinsteins afhjúpaður

Listinn, sem settur var saman snemma árs 2017, staðfestir að Harvey hafi vitað af því að New York Times var komið á slóð hans, en 5. október síðastliðinn birti miðillinn röð ásakana um kynferðislegt ofbeldi á hendur Weinstein. Í kjölfarið hefur fjöldi kvenna stigið fram og sagt frá ofbeldinu.

Stærð listans gefur góða vísbendingu um það að hegðun Weinsteins hafi í raun verið á allra vitorði, eða nánast eins og opinbert leyndarmál í kvikmyndaheiminum. Sum nöfn listans voru rituð rauðum stöfum, en líklegt þykir að það séu nöfnin sem áttu að hafa forgang í „rannsókn“ Weinsteins. Meðal nafna á listanum eru nöfn kvenna sem nú hafa komið fram opinberlega og lýst ásökunum á hendur Weinstein. Nöfn þeirra eru mörg hver rituð rauðum stöfum.

Weinstein hefur vísað öllum ásökunum um nauðganir á bug.

Frétt af mbl.is

Hvers vegna þögðu allir?

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt