Ráðherra gagnrýndur fyrir að pissa úti

Ram Shinde.
Ram Shinde. Ljósmynd/Facebook

Indverskur ráðherra hefur verið harðlega gagnrýndur eftir að hann pissaði utandyra en ríkisstjórn landsins hefur undanfarið hvatt fólk til að nota salerni. BBC greinir frá.

Myndskeið náðist af ráðherranum, Ram Shinde, pissa úti og var því deilt í gær en 19. nóvember er alþjóðlegur dagur klósetta. Honum er ætlað að benda á hættuna sem fylgir því að nota ekki klósett.

Ráðherrann svaraði því að hann hefði verið alveg í spreng og ekkert klósett hefði verið í nágrenninu.

„Ég hafði ferðast lengi í miklum hita og leið ekki vel. Ég var með hita,“ sagði Shinde við indverska fjölmiðla.

Stjórnarandstæðingar benda á að fyrst að ráðherranum hafi ekki tekist að finna klósett sé ljóst að „klósettherferð“ stjórnarinnar hafi mistekist. „Hvernig getur forsætisráðherra ætlast til þess að almenningur fylgi honum þegar ráðherrar hans hafa ekki aga til þess?“

mbl.is
Fleira áhugavert
Fleira áhugavert