Krabbameinsskoðun á bílastæðum

Til stendur að bjóða upp á krabbameinsskoðanir á bílastæðum verslunarmiðstöðva í Bretlandi í því skyni að greina krabbamein í fólki fyrr að sögn Simons Stevens, yfirmanni breska heilbrigðiskerfisins. Breska dagblaðið Daily Telegraph greinir frá þessu.

Fram kemur í fréttinni að notast verði við hreyfanlegar skoðunarstöðvar í þessu skyni, en tilraunaverkefni hafi sýnt að notkun slíkra stöðva fjórfaldaði fjölda greindra tilfella lungnakrabbameins á fyrsta og öðru stigi þegar mestar líkur eru á lækningu.

Þannig voru 80% þeirra sem greindust með krabbamein á fyrsta eða öðru stigi sen venjulega greinast aðeins 20% svo snemma. Tilraunaverkefnið fólst í því að haft var samband bréfleiðis við reykingafólk eða fyrrverandi reykingarfólk á aldrinum 55-74 ára.

Fólkinu var boðið að gangast undir krabbameinsskoðun í næstu verslunarmiðstöð. Ef fólkið var með einkenni eins og viðvarandi hósta eða talmarkaða lungnastarfsemi var því boðið að gangast undir krabbameinsskoðun. Markmiðið væri að færa slíka skoðun nær fólki.

• Blogga um frétt