Eldurinn eirir engu

Almannavarnir í Kaliforníu vara við því að glæsibyggingar ríka fólksins í Los Angeles verði eldinum að bráð en yfir 200 þúsund manns hafa þurft að yfirgefa heimili sín vegna kjarrelda í ríkinu. Mjög hvasst er í Los Angeles og nágrenni og því hætta á að eldarnir breiðist hratt út.

Yfirvöld hafa gefið út fjólubláa viðvörun en slík viðvörun hefur aldrei áður verið gefin þar út. Það þýðir að hætta er gríðarlega mikil. Óttast er að vindhraðinn geti náð 45 metrum á sekúndu sem þýðir að lítið verður hægt að sinna slökkvistarfi. 

Slökkviliðsstöðin sem ber ábyrgð á eldvörnum í ríkinu biður fólk um að hafa varan  á sér þar sem spáin virðist ætla að ganga eftir og mjög sé að bæta í vind. Ef fólk telur sig óöruggt heima hjá sér er það hvatt til þess að forða sér í skjól. 

Um 32 þúsund hektrara lands hafa orðið eldinum að bráð síðan kjarreldarnir brutust út í fyrradag. 

Meðal hverfa sem nú eru í hættu er Bel-Air hverfið í Los Angeles en þar eru margar eignir sem metnar eru margar milljónir bandaríkjadala. 

Borgarstjórinn í Los Angeles, Eric Garcetti, segir að yfir 230 þúsund manns hafi verið fyrirskipað yfirgefa heimili sín í Los Angeles og Ventura. 

Meðal eigna sem eru í hættu er fasteign Rupert Murdoch, eiganda News corp. Á landareign hans, Moraga, eru meðal annars vínekrur. Söngvarinn Lionel Richie aflýsti tónleikum til þess að aðstoða fyrrverandi eiginkonu sína við að forða sér undan eldinum. Grínistinn Chelsea Handler og hönnuðurinn Adrienne Maloof eru meðal þeirra fjölmörgu sem hafa þurft að forða sér. 

mbl.is

Frá Sýrlandi til Evrópu - Greinaflokkur

LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta/lúgu stigar, 68x85 og 55x113, smíðum líka eftir máli. Álst...
STURTUKERRUR _ STURTUKERRUR
Sturtukerrur, rafdrifnar, fjarstýring, sturta aftur og til beggja hliða, hæð sk...
Gisting við Gullna hringinn..
Studio herb. með sérbaði og eldunaraðstöðu, heitur pottur utandyra, 6 mínútur fr...
 
Samkoma
Félagsstarf
Samkoma kl. 20 í Kristni- boðssalnum. K...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og j...
Framhald
Nauðungarsala
Uppboð Einnig birt á www.naudungarsolu...