Fjórða barnið látið

Breska lögreglan að störfum.
Breska lögreglan að störfum.

Þriggja ára barn er látið eftir að eldur kviknaði á heimili þess í Salford í nágrenni Manchester. Þrjú eldri systkini þess fórust einnig í eldsvoðanum. Par situr í haldi, grunað um að íkveikju. Móðir barnanna liggur einnig þungt haldin á sjúkrahúsi. Ekki hefur enn verið hægt að gera henni grein fyrir því að börnin hennar séu látin.

Eit barnanna, fimmtán ára stúlka, lést er eldurinn kom upp. Tvö yngri systkini hennar, átta ára drengur og sjö ára stúlka, létust skömmu síðar á sjúkrahúsi, segir í frétt BBC um málið.

Parið sem er í haldi lögreglunnar hefur verið ákært fyrir morð.

mbl.is
Fleira áhugavert
Fleira áhugavert