Snjókoma í Sahara

Það snjóaði í Sahara-eyðimörkinni á sunnudag. Þetta er í fjórða sinn á 37 árum sem slíkt gerist í nágrenni bæjarins Ain Sefra í Alsír. Bærinn er kallaður „hlið eyðimerkurinnar“.

Á myndum má sjá að snjórinn þakti sandöldurnar og í frétt Forbes um málið segir að hann hafi verið allt að 40 sentímetra djúpur. 

Meðalhiti á svæðinu í júlí ár hvert er tæpar 38°C. Íbúar í bænum eru því mun vanari því að fást við mikinn hita heldur en kulda og snjó.

Snjórinn var þó fljótur að hverfa á sunnudag þar sem hitastigið fór fljótlega upp í tæplega 6 gráður.

Síðustu 37 ár hefur þrisvar sinnum áður snjóað á þessum slóðum eða árin 1979, 2016 og 2017. Þetta er því þriðja árið í röð sem snjór hylur sandöldurnar.

• Blogga um frétt