Vinsældir Donalds Trump Bandaríkjaforseta hafa ekki verið meiri í tæplega ár að því er fram kemur í nýrri könnun fyrirtækisins Rasmussen Reports sem mælir daglega vinsældir forsetans.
Samkvæmt könnuninni, sem birt var á föstudag, eru 49% kjósenda sem spurðir voru sáttir við forsetann. Jafnmargir eru ósáttir við frammistöðu hans.
Þetta eru mestu vinsældir sem forsetinn hefur mælst með hjá könnunarfyrirtækinu frá því í mars í fyrra.
Trump hefur fagnað niðurstöðum könnunarinnar á Twitter. Hann segir hana sýna að fleiri séu nú sáttir við störf hans en kusu hann til embættis árið 2016.
Í frétt um könnunina á vef Rasmussen Reports segir að á hverjum degi sé hugur 500 kjósenda til forsetans kannaður í gegnum síma og meðaltal þriggja daglegra kannanna svo birt. Til að ná til þeirra sem ekki hafa heimasíma sé könnunin gerð á netinu. Skekkjumörk eru sögð 2,5%.
Rasmussen just announced that my approval rating jumped to 49%, a far better number than I had in winning the Election, and higher than certain “sacred cows.” Other Trump polls are way up also. So why does the media refuse to write this? Oh well, someday!
— Donald J. Trump (@realDonaldTrump) February 3, 2018