„Ekkert leynimakk!“
Setja bókamerki
Donald Trump, Bandaríkjaforseti, telur að ákærur á hendur 13 Rússum um að hafa ólögleg afskipti af forsetakosningunum í Bandaríkjunum 2016 sanni að engin spilling hafi átt sé stað í kosningaherferð hans.
„Rússland hóf herferð sína gegn Bandaríkjunum 2014, löngu áður en ég tilkynnti forsetaframboð mitt. Ekki var reynt að hafa áhrif á niðurstöðu kosninganna. Kosningastjórn Trump gerði ekki rangt - ekkert leynimakk!“ skrifar Trump á Twitter í kvöld.
Robert Mueller, sem leiðir rannsókn á meintum afskiptum Rússa af kosningunum, sendi frá sér yfirlýsingu fyrr í kvöld þar sem greint er frá ákærunum. Þar kemur meðal annars fram að hinir ákærðu hafi fylgst markvisst með þróun kosningabaráttunnar, allt frá árinu 2014.
Frétt mbl.is: 13 Rússar ákærðir fyrir afskipti af kosningunum
Í yfirlýsingu frá Hvíta húsinu sem send var út í kvöld kemur sams konar ályktun fram. Rannsókn Robert Mueller um meint afskipti Rússa af kosningunum, sýni nú að engin spilling hafi átt sér stað innan kosningateymis Trumps.
Rod Roseinstein, ríkissaksóknari, segir hins vegar að þó svo að engir Bandaríkjamenn hafi verið ákærðir vegna ólöglegra afskipta af kosningunum er ekki hægt að fullyrða að svo stöddu hvort reynt hafi verið að hafa áhrif á niðurstöðu kosninganna.
Réttlátara kerfi: Flestir fá 30 þúsund eða meira
/frimg/1/48/63/1486389.jpg)
Halla ekki verið að taka harða afstöðu
Lögreglan ekki tekið afstöðu til kærunnar
Mest spennandi kosningar í áratugi
„Þetta er pínu óvanaleg staða“
Myndskeið: „Fólk var komið ískyggilega nálægt“
Átta morðmál á aðeins tólf mánuðum
Lögreglan rannsakar andlát konu í fjölbýlishúsi