Í lífshættu eftir skotárás

Maður er í lífshættu eftir skotárás í bílakjallara við  Seterbråtveien í úthverfi Óslóar, Bjørndal. Árásin átti sér stað snemma í morgun að sögn lögreglu.

Þegar lögreglan kom á vettvang var maðurinn meðvitundarlaus og var hann fluttur með hraði á Ullevål sjúkrahúsið, segir varðstjóri í lögreglunni, Brian Skotnes, í samtali við Aftenposten. 

Lögreglan telur að maðurinn hafi ekki legið lengi þarna þegar lögregla kom á vettvang.  Áverkar mannsins eru eftir skotvopn en einnig er hann með fleiri áverka að sögn lögreglu. 

Í nótt hafði lögreglan afskipti af þremur mönnum þar sem skotvopnum hafði verið beitt í Lambertseter. Enginn særðist. Ekki er vitað hvort tengsl eru á milli málanna en það er eitt af því sem lögreglan rannsakar, samkvæmt frétt Aftenposten. 

Maðurinn er búsettur í nágrenni þess staðar þar sem hann fannst og var hann með erlend persónuskilríki á sér þegar hann fannst.

• 1 blogg um fréttina

Bloggað um fréttina

• Geir Ágústsson: Koma skotvopn í veg fyrir skotárásir?