Trump ræðst gegn Amazon á ný
Setja bókamerki
Donald Trump Bandaríkjaforseti hélt í dag áfram árásum sínum gegn netrisanum Amazon, auk þess að saka blaðið The Washington post, sem er í eigu stofnanda Amazon, um að tala fyrir hagsmunum netfyrirtækisins. Þetta er í annað skiptið á þremur dögum sem forsetinn beinir spjótum sínum að Amazon.
Í vikunni sagði Washington post frá tilraunum um að opna bókhald móðurfélags fyrirtækja Trump, Trump organization. Sagði Trump í framhaldinu að bandaríski pósturinn tapaði stórum upphæðum ár hvert á að senda pakka frá Amazon.
Í dag bætti Trump við og sagði póstinn tapa að meðaltali 1,5 dollurum fyrir hvern pakka sem sendur væri frá Amazon. Í heildina væru það milljarðar dollara. Þá sagði hann að Washington post ætti að skrá sig sem hagsmunasamtök en ekki dagblað.
Kallaði Trump eftir því að póstburðar „svindlið“ yrði stöðvað og að Amazon myndi greiða raunverulegan kostnað við póstburð sem og skatta, en hann hefur áður gagnrýnt fyrirtækið fyrir að greiða lága skatta.
„Á réttri leið en nokkuð í land ennþá“
Myndir: Reynir við heimsmet í Hlíðarfjalli í dag
Moses Hightower og Prins Póló gefa út eyjalag
Fara ekki lengur fram á einangrun yfir Davíð
Árshátíð ríkislögreglustjóra haldin í Tékklandi
Fiskikóngurinn: „Mér fannst sárt að heyra það“