Fá kókaín sent fyrr en pizzu

Fljótlegra er fyrir íbúa Skotlands og Englands að fá kókaín sent heim til sín en pizzu samkvæmt niðurstöðum stórrar rannsóknar á fíkniefnaneyslu í Bretlandi.

Fram kemur í frétt Daily Telegraph að rúmlega þriðjungur um þúsund fíkniefnaneytenda sem rætt var við í rannsókninni geti fengið kókaín sent heim að dyrum á innan við hálftíma. Þetta er sama hlutfall og á heimsvísu samkvæmt rannsókninni 2018 Global Drug Survey.

Frétt af mbl.is

Jafn auðvelt og að panta pizzu

Hins vegar sögðust 12% aðspurðra íbúa Englands og 20% Skotlands að þeir gætu fengið pizzu senda heim innan sama tíma. Fram kemur í niðurstöðum rannsóknarinnar að fíkniefnasalar ættu ekki aðeins í samkeppni þegar kæmi að gæðum fíkniefna heldur einnig því hversu hratt þeir gætu útvegað þau.

Ennfremur segir að með vaxandi notkun eftirlitsmyndavéla hafi fíkniefnasala færst frá sölu á götum úti. Þess í stað færist í vöxt að fólk panti fíkniefni á lokuðum hópum á samfélagsmiðlum og fái þau send heim.

• 1 blogg um fréttina

Bloggað um fréttina

• Þorsteinn Siglaugsson: Þarf náttúrulega ekki að baka kókaínið