Þjóðernisflokkur á heljarþröm

<div id="premium-top">Framtíð franska þjóðernisflokksins Le Rassemblement national (sem áður hét Front National) er óljós eftir að rannsóknardómarar fóru fram á að tvær milljónir evra, sem flokkurinn hefur fengið úthlutað úr opinberum sjóðum, yrðu haldlagðar í tengslum við rannsókn á hvort flokkurinn hafi dregið að sér fé úr sjóðum Evrópuþingsins.</div><div>Formaður flokksins, Marine Le Pen, segir að án peninganna geti flokkurinn ekki starfað áfram og endalok hans fyrirsjáanleg í lok ágúst. Hún ásamt fleiri flokksmönnum er sökuð um að hafa notað fé sem er eyrnamerkt aðstoðarfólki á Evrópuþinginu til að greiða starfsfólki flokksins í Frakklandi. Fjárdrátturinn á að hafa staðið yfir árum saman eða allt frá árinu 2009.</div> <div id="premium-container">

Alls fékk flokkurinn 4,5 milljónir evra, sem svarar til 563 milljóna króna, greiddar úr opinberum sjóðum í ár. Dómararnir lögðu fram kröfu sína 28. júní. 

<a href="https://www.mbl.is/frettir/erlent/2018/03/01/marine_le_pen_akaerd/" target="_blank"><strong>Frétt</strong></a>

En þrátt fyrir stuðnings hins opinbera hefur Þjóðfylkingin átt í fjárhagserfiðleikum. Árið 2014 þurfti flokkurinn að taka níu milljóna evra lán hjá rússneskum banka þar sem illa gekk að sannfæra franska banka um að lána flokknum. Meðal annars neituðu bankar eins og Societe Generale og HSBC að veita flokknum fyrirgreiðslu í fyrra. 

Evrópuþingið fer fram á að flokkurinn endurgreiði sjö milljónir evra sem Le Pen og fleiri þingmenn Þjóðfylkingarinnar sviku út úr Evrópuþinginu. Þeirra á meðal er faðir hennar,  Jean-Marie Le Pen, stofnandi flokksins. Tíu hafa verið ákærðir í tengslum við rannsóknina, þar á meðal Marine Le Pen.

<strong><a href="https://www.mbl.is/frettir/erlent/2018/06/19/le_pen_gert_ad_endurgreida/" target="_blank">Frétt</a></strong>

</div>