Donald Trump Bandaríkjaforseti hefur svarað gagnrýni eftir fund hans og Vladimir Pútin, forseta Rússlands, í gær. Margir samflokksmenn forsetans gagnrýndu hann en Trump neitaði að lýsa því yfir að Rússar hefðu haft afskipti af bandarísku forsetakosningunum árið 2016.

Trump sagðist enn fremur trúa orðum Pútín um sakleysi Rússa, frekar en niðurstöðu leyniþjónustu Bandaríkjanna.

Frétt af mbl.is

Pútín: „Ég vildi að Trump ynni“

Trump segir sjálfur að fundurinn með Pútín hafi gengið „jafnvel betur“ en leiðtogafundur NATO í síðustu viku. 

„Þrátt fyrir að fundurinn með leiðtogum NATO hafi gengið vel gekk fundurinn með Pútín, forseta Rússlands, jafnvel betur. Því miður fjalla fjölmiðlar ekki um það þannig - endalausar falsfréttir,“ skrifaði Trump á Twitter-síðu sína í dag.

Trump fór í gær ófögrum orðum um rannsókn sérstaks saksóknara, Robert Mueller, á meintum afskiptum Rússa af kosningunum 2016. „Ég held að þessi rannsókn sé hörmung fyrir landið okkar,“ sagði Trump og bætti því við að hann tryði Pútín frekar:

„Pútín segir að Rússar hafi ekki verið að verki þarna.“

Tengdar fréttir

Donald Trump fyrrverandi Bandaríkjaforseti

Trump mætir fyrir dóm í fyrsta sakamálinu

• Ísraelar að „tapa áróðursstríðinu“ á Gasa
• Trump bannað að tjá sig opinberlega
• Trump tókst að útvega 25 milljarða
• Trump deildi myndskeiði af Biden bundnum

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: Á EKKERT AÐ "RANNSAKA" ÞETTA EÐA VILJA DEMÓKRATAR AÐ ÞETTA …