Trump fordæmir rasisma
Setja bókamerki
Donald Trump Bandaríkjaforseti, sem hefur verið sakaður um að tala illa um fólk sem er ekki hvítt á hörund, fordæmdi kynþáttafordóma af öllu tagi á Twitter, einu ári eftir mótmælagöngu nýnasista í borginni Charlottesville í Virginíu.
Einn lést í mótmælunum. Í framhaldinu var mikið rætt um að öfgamönnum hafi vaxið fiskur um hrygg í valdatíð Trumps.
Önnur ganga slíkra öfgamanna er fyrirhuguð á morgun, skammt frá Hvíta húsinu.
Trump var harðlega gagnrýndur fyrir að fordæma ekki þá hvítu kynþáttahatara sem mættu til Charlottesville og tóku þátt í mótmælunum.
„Uppþotin í Charlottesville fyrir ári síðan urðu til þess að sorglegt dauðsfall varð og fólk skiptist í fylkingar,“ skrifaði Trump.
„Við verðum að sameinast sem þjóð. Ég fordæmi allar tegundir rasisma og ofbeldis. Friður fyrir alla Bandaríkjamenn!“
Eyjafjarðarbraut lokað vegna alvarlegs umferðarslyss
Skemmtiferðaskip hætt komið nærri Viðey
Handteknir eftir myndatöku í Vesturbæjarlaug
Kostnaður meiri en milljón á fermetra
Skiptir miklu meira máli en fólk grunar
Gígbarmurinn hækkað frá því í gær