Bandarísk og bresk stjórnvöld íhuga að sniðganga stóra alþjóðlega ráðstefnu sem á að fara fram í Sádi-Arabíu vegna hvarfsins á sádi-arabíska blaðamanninum Jamal Khashoggi. 

Khashoggi, sem var gagnrýninn á stjórnvöld í Sádi-Arabíu, hvarf 2. október eftir að hafa heimsótt ræðismannsskrifstofu sína í Istanbúl í Tyrklandi.

Sádi-arabíski blaðamaðurinn Jamal Khashoggi. AFP

Tyrknesk yfirvöld telja að útsendarar á vegum yfirvalda í Sádi-Arabíu hafi myrt hann, að því er segir á vef BBC. Sádi-arabísk stjórnvöld vísa þessu á bug og segja að það sé lygi. 

Donald Trump, forseti Bandaríkjanna, hefur sagt að hann muni refsa Sádi-aröbum beri þeir ábyrgð á dauða Khashoggi. 

Steven Mnuchin, fjármálaráðherra Bandaríkjanna, íhugar að mæta ekki. AFP

Nokkrir styrktaraðilar og fjölmiðlaveitur hafa vegna málsins ákveðið að hætta við að taka þátt í stórri fjárfestaráðstefnu sem á að fara fraí Riyadh, sem hefur verið kölluð Davos-ráðstefnan í eyðimörkinni. 

BBC hefur eftir heimildarmönnum að Steve Mnuchin, fjármálaráðherra Bandaríkjanna, og Liam Fox, viðskiptamálaráðherra Bretlands, séu nú að íhuga að mæta ekki á ráðstefnuna, sem er í boði Mohammeds bin Salmans, krónprins Sádi-Arabíu, en hann ætlar sér að kynna á ráðstefnunni nýja umbótaáætlun sína fyrir landið. 

Liam Fox, viðskiptaráðherra Bretlands, íhugar einnig að sleppa ráðstefnunni vegna málsins. AFP

Tengdar fréttir

Morðið á Jamal Khashoggi

Krónprinsinn fær friðhelgi í Bandaríkjunum

• Biden skiptir um skoðun á Sádum
• Hendur Bidens „ataðar í blóði“
• Unnusta Khashoggis ætlar að áfrýja
• Segja Frakka hafa farið í mannavillt í handtöku

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Sádi-Arabía er hin heilaga mannýga kýr í alþjóðasamfélaginu.