Vantrauststillaga gegn May felld
Setja bókamerki
Vantrauststillaga gegn Theresu May, forsætisráðherra Bretlands, var felld í þingflokki íhaldsmanna rétt í þessu.
200 þingmenn flokksins greiddu atkvæði með því að May héldi áfram í embætti á móti 117 sem greiddu atkvæði gegn því.
May þurfti að minnsta kosti 159 atkvæði frá íhaldsmönnum á breska þinginu til að geta haldið áfram sem leiðtogi flokksins.
Dyggir stuðningsmenn útgöngu Breta úr Evrópusambandinu stóðu á bak við vantrauststillöguna. Þeir eru mótfallnir Brexit-samningnum sem hún gerði við ESB í síðasta mánuði.
Þar með verður ekki hægt að leggja fram vantrauststillögu gegn May næsta árið. Staða hennar hefur engu að síður veikst.
„Niðurstaða atkvæðagreiðslunnar í kvöld er að þingflokkurinn treystir Theresu May sem leiðtoga,“ sagði Graham Brady, formaður nefndar sem hafði umsjón með atkvæðagreiðslunni.
„Hvílir mikil leynd yfir þessu öllu“
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
Æskuvinur Íslendings myrtur í Noregi
Skar höfuðleðrið af íslenskri konu
„Það þarf að vinna mikinn fjölda upp“
„Skýr skilaboð til Seðlabankans“