Sendiherra Bandaríkjanna í Bretlandi segir Breta skorta forystu þegar komi að útgöngu þeirra úr Evrópusambandinu. Þetta er haft eftir Woody Johnson í breska ríkisútvarpinu BBC.

„Ég hef ferðast um Wales, ég hef ferðast um Írland og Skotland og einnig England og mín tilfinning er að landið skorti forystu,“ hefur BBC eftir Johnson í dag samkvæmt AFP.

Sendiherrann sagði að forystuleysið væri að hluta til breska þinginu um að kenna. Sagði hann erfiðleika þingmanna blasa við þar sem þeir reyndu að framkvæma vilja kjósenda í þjóðaratkvæði 2016 þar sem meirihlutinn vildi ganga úr Evrópusambandinu.

Johnson sagði ennfremur að fyrirhugaður útgöngusamningur Theresu May, forsætisráðherra Bretlands, virtist útiloka fríverslunarsamning við Bandaríkin. Þvert á það sem May hefur sagt.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Allt gert til að splittra folkinu í Bretlandi núna og …