„Það er enn tími til að semja,“ segir Angela Merkel, kanslari Þýskalands, um útgöngu Breta úr Evrópusambandinu. Hins vegar þurfi að bíða átekta og sjá hvaða skref Theresa May, forsætisráðherra Bretlands, hyggst stíga, nái hún að standa af sér vantrauststillögu gegn ríkisstjórn hennar sem greidd verða atkvæði um á breska þinginu í kvöld.

Frétt af mbl.is

Greiða atkvæði um vantraust í kvöld

Merkel er miður sín yfir niðurstöðu breska þingsins sem felldi í gær Brexit-samning stjórnarinnar og Evrópusambandsins með afgerandi hætti, en 432 þingmenn greiddu atkvæði gegn samningnum en 202 með.

Merkel segir jafnframt að það sé undir Bretum komið að taka næstu skref í ferlinu. „Skaðinn er skeður, en við viljum takmarka hann,“ sagði Merkel í samtali við NTV-fréttastöðina í morgun. Von Merkel er að útganga Breta úr ESB verði með löglegum og skipulegum hætti. „En við erum einnig reiðubúin ef það verður ekki niðurstaðan.“ 

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt