Þýski þingmaðurinn Markus Ganserer greindi frá því á blaðamannafundi í síðustu viku að hann hygðist koma út sem transkona. Ganserer ætlar að taka upp nafnið Tessa en hún þarf þó að bíða í eitt ár áður en hún má breyta nafninu sínu formlega samkvæmt þýskum lögum.
Greint er frá á fréttavef RT og kemur þar fram að Ganserer verði fyrsti trans-þingmaður Þýskalands, en Markus hlaut endurkjör í kosningunum í Bæjaralandi í október sl. Á blaðamannafundinum í síðustu viku sagðist hún hafa verið trans í áratug og að hún hafi komist að sínu rétta kyni þegar hún byrjaði að klæðast kjólum heima fyrir.
Tessa Ganserer er gift og á tvo syni.