Francisco Yanez, æðsti yfirmaður flughersins í Venesúela, hefur snúið baki við Nicolás Maduro forseta landsins og segir að Juan Guaidó, leiðtogi stjórnarandstæðunnar, sé réttmætur forseti.

Skjáskot úr myndskeiði sem er í dreifingu á samfélagsmiðlum, þar sem æðsti yfirmaður flughersins segir hollustu sína liggja hjá Guaidó. AFP

AFP greinir frá þessu, en myndskeið af Yanez, þar sem hann tilkynnir um hollustu sína við Guaidó, er í dreifingu á samfélagsmiðlum. Yanez segist hafna „pirrandi og einræðislegu valdi“ Maduro forseta.

Þetta þykja nokkur tíðindi, enda hefur Maduro notið stuðnings æðstu yfirmanna innan hersins.

Juan Guaidó hefur í dag hvatt stuðningsmenn sína til þess að mótmæla á götum úti í dag og krefjast kosninga. Búist er við róstusömum laugardegi í helstu borgum ríkisins.

Tengdar fréttir

Venesúela

Íbúar Venesúela flýja til Kólumbíu

• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“
• „Valdaránið“ tengist ekki Bandaríkjastjórn

» Fleiri tengdar fréttir

• 1 blogg um fréttina

Bloggað um fréttina

• Jónas Gunnlaugsson: Efnahagsleg átök í Venezuela. (John Bolton viðurkennir að uppreisnin í …