Fulltrúadeild Bandaríkjaþings hefur samþykkt að fordæma formlega tíst Donalds Trump Bandaríkjaforseta um fjórar þingkonur af erlendum uppruna. Ályktun þess efnis var samþykkt með 240 atkvæðum gegn 187.
Í tístum sínum segir forsetinn þingkonunum fjórum, Alexandru Ocasio-Cortez, Ilhan Omar, Rashidu Tlaib og Ayanna Pressley, meðal annars að fara aftur heim til sín.
Í ályktun þingsins segir að kynþáttafordómafull ummæli forsetans hafi réttlætt ótta og hatur gegn aðfluttum Bandaríkjamönnum og lituðu fólki. Allir þingmenn Demókrataflokksins, sem hefur meirihluta á þinginu, samþykktu ályktunina, auk fjögurra þingmanna Repúblikanaflokksins og eina óháða þingmanni fulltrúadeildarinnar.