Yrði „svartur blettur“ á sögu Bandaríkjanna
Setja bókamerki
Öldungadeildarþingmaðurinn Lindsey Graham ætlar að biðla til fulltrúadeildar Bandaríkjaþings um að snúa við ákvörðun Donalds Trump Bandaríkjaforseta um að draga Bandaríkjaher frá norðurhluta Sýrlands og landamærum Tyrklands.
Graham situr á öldungadeildarþingi fyrir Repúblikanaflokkinn og er einn annálaðasti stuðningsmaður forsetans.
Tyrkir hafa ákveðið að ráðast í hernaðaraðgerðir í norðurhluta Sýrlands og hafa heitið því að „hreinsa upp“ kúrda, sem þeir segja hryðjuverkamenn, á svæðinu. Kúrdar voru helstu bandamenn Bandaríkjahers í stríðinu gegn Ríki íslams í Sýrlandi, en nú segir Trump að þeir verði sjálfir að „finna út úr þessu“.
Bandaríkin gætu ekki tekið þátt þessum „fáránlegu, endalausu stríðum“.
Graham segir að með ákvörðuninni séu „hörmungar í uppsiglingu“. Þá muni ákvörðun Bandaríkjanna um að yfirgefa kúrda verða svartur blettur á sögu landsins. Hann býst við stuðningi úr röðum þingmanna beggja flokka við tillögu hans um að snúa ákvörðun Bandaríkjaforseta.
Kvikan virðist nú skiptast til helminga
Gerir ráð fyrir 150 samningum í næstu viku
Hafa samþykkt kaup fyrir um 9,2 milljarða
Segjast hafa skotið niður langdræga sprengjuvél
Innviðir þandir og álagið „gríðarlegt“
Færa slökkviliðið til nútímans
„Menn eru bara búnir að forgangsraða“
Sárt að horfa upp á illa meðferð fjármuna