Namibískur blaðamaður hefur verið rekinn frá ríkisfréttaveitunni þar í landi, eftir að hann tók þátt í umræðum um Samherjaskjölin í spjallþætti í sjónvarpi. Greint er frá þessu á fréttavef The Namibian.

Blaðamaðurinn, Vita Angula, starfaði sem lausapenni hjá Namibia Press Agency (NAMPA) sem stofnuð var með lögum af namibíska þinginu árið 1992.

Í samtali við The Namibian segist blaðamaðurinn undrandi á uppsögninni og hyggst hann mótmæla henni með liðsinni lögfræðinga. Angula segist reglulega fá boð um að mæta í umræðuþætti á sjónvarpsstöðinni One Africa og að mæta og ræða um Samherjaskjölin hafi ekki verið neitt frábrugðið fyrri skiptum.

„Ég reyndi að vera hlutlægur með skoðanir mínar á málinu,“ sagði Angula, sem segist þó hafa kallað hlutina sínu rétta nafni og talað um það framferði sem lýst er í skjölunum sem spillingu. Það gæti að hans mati hafa komið Hage Geingob forseta landsins illa, vegna tengsla hans við þá sem fjallað er um í Samherjaskjölunum.

Frétt af mbl.is

Íslendingar ættu að rannsaka spillingu heima fyrir

Í uppsagnarbréfi sem vitnað er til í frétt The Namibian segir yfirboðari Angula að blaðamaðurinn hafi tekið þátt í umræðuþættinum og rætt þar „mjög umdeilt“ málefni án leyfis frá fréttastjóra eða honum sjálfum. „Ég hef líka varað þig nokkrum sinnum áður við því að taka þátt í slíkum opinberum umræðum vegna tengsla þinna við NAMPA,“ segir í uppsagnarbréfinu.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Þetta er það minnsta sem þeir gátu gert fyrir manninn