Bandaríkjaher gerir loftárás í Írak
Setja bókamerki
Bandaríkjamenn gerðu loftárás á hershöfðingja í hernaðarsamtökunum Hashed al-Shaabi seint í kvöld, eða um klukkan 2 að staðartíma í Írak. Ríkissjónvarp Íraks greinir frá. Hashad al-Shaabi eru vopnaðar sveitir sem njóta stuðnings Írana.
Um sólarhringur er síðan herforinginn Qasem Soleimani var drepinn í loftárásum Bandaríkjamanna á Bagdad-flugvelli, en árásin var fyrirskipuð af Donald Trump Bandaríkjaforseta.
Árásin sem átti sér stað rétt í þessu var gerð norður af höfuðborginni Bagdad en ekki liggur fyrir að hverjum árásin beindist. AFP-fréttastofan hefur eftir lögreglunni að árásin hafi beinst að bílalest hernaðarsamtakanna og að sex manns hafi látið lífið í árásinni.
Trump sagði í ávarpi í kvöld að hann hafi fyrirskipað að ráðist yrði á Soleimani þar sem hann hefði verið að undirbúa „yfirvofandi og illgirnislegar árásir“ á Bandaríkjamenn. Árásin hefði verið gerð til að stöðva stríð.
Hér má fylgjast með beinni textalýsingu The Guardian af þróun mála
Segjast hafa skotið niður langdræga sprengjuvél
Unnu að fullum heillindum að kaupum á TM
Spursmál: Fyrsta stóra viðtal Katrínar
Segjast ekki vera á kaldri slóð
Hafa „ágætis tíma“ til úrbóta
Aðkoman í gripahúsið mjög slæm